Gazeta Insajderi merr vesh se emrat e gjashtë të arrestuarve pak më herët nga Policia e Kosovës janë Frashër Krasniqi, Atdhe Arifi, Adea Batusha, Astrit Dehari, Egzon Haliti dhe Petrit Ademi, nën dyshimin për sulm ndaj ndërtesës së Kuvendit të Kosovës më 4 gusht të këtij viti.

Të gjithë këta janë aktivistë të Lëvizjes Vetëvendosje.

Më herët Prokuroria Speciale e Kosovës ka bërë të ditur për bastisje në gjashtë lokacione të ndryshme dhe ka arrestuar gjashtë personat e lartcekur.

“Pas një hetimi intensiv lidhur me sulmin në Kuvendin e Republikës së Kosovës të kryer më 4 gush 2016, ka arritur të identifikojë të dyshuarit, të cilët kanë planifikuar, organizuar dhe ekzekutuar sulmin, si dhe kanë marrë përgjegjësinë për kryerjen e këtij sulmi”, thuhej në komunikatën e Prokurorisë Speciale.

Gjatë këtij aksioni janë sekuestruar edhe disa prova material.

“Gjashtë armë zjarri, tre pushkë automatike, 2 revole, një karabinë, municion,  si dhe dëshmi tjera materiale që ndërlidhen me rastin. Sendet e sekuestruara do të ekzaminohen nga ekspertët e fushave përkatëse”, shkruan në komunikatë./Insajderi.com

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...