Zyra e Kryeministrit të Albin Kurtit, para pak ditësh ka hapur tender për bileta të airoplanit, që parashikohet t’i kushtojë 350 mijë euro. Shpallje kjo që është hapur ende pa u formuar Qeveria e re. Bazuar në rezultatet përfundimtare të KQZ, VV’ja ka arritur 42.30 për qind. Rezultat ky që tregon se Kurtit për të marrë edhe një mandat i duhet të arrijë koalicion.

Gazeta Insajderi

Zyra e Kryeministrit me 13 mars ka hapur tender për “Shërbime të transportit ajror”. Vlera e parashikuar e këtij tenderi është 350 mijë euro.

Deri në prill ka kohë për pjesëmarrje në tender.

Dje u shpallën rezultatet përfundimtare të zgjedhjeve, të 9 shkurtit, ku VV’ja doli me 42.30 për qind. Rezultat ky që tregon se Qeveria Kurti nuk mund të formohet vetë, pa koalicion. Mirëpo edhe pse nuk është ende e qartë si do të formohet Qeveria e re, zyra e Kurtit ka hapur një tender për udhëtime jashtë vendit.

E ky tender, për bileta të aeroplanit, për Kurtin dhe stafin e tij do t’i kushtojë buxhetit të shtetit 350 mijë euro.

“Shërbime të transportit ajror – bileta aeroplani.  Kohëzgjatja e kontratës publike kornizë: në muaj 36 Vlera e parashikuar e kontratës: 350,000.00. do të blihen 700 bileta. Afati i fundit për pranim të tenderëve/ aplikacioneve: data 07.04.2025”, thuhet në njoftimin e shpallur.

Tutje thuhet se kjo blerje po bëhet me afat të përshpejtuar.

“Arsyeja e shkurtimit të afatit është që të arrihet sa më shpejt deri te sigurimi  i shërbimeve të transportit ajror në harmoni me kërkesat dhe nevojat e  ZKM-së”.

Zyra e kryeministrit ka treguar se “Qëllimi i kontratës publike kornizë është që të përcaktohen kushtet që rregullojnë furnizimin me avio-bileta nga Operatori Ekonomik”

“Qëllimi i këtij aktiviteti është që të lidhet një kontratë kornizë me një Operator ekonomik (OE) të kualifikuar i cili do të ofronte shërbimet e rezervimit dhe lëshimit të aviobiletave për udhëtimet zyrtare që do të autorizohen nga ZKM-ja Gjatë periudhës 3 vjeçare numri i përafërt i biletave do të jetë 700 copë në destinacione të ndryshme të botës. Kontrata konsiderohet e realizuar në bazë te sasive të biletave dhe jo vlerës”.

Në dosjen e tenderit janë treguar edhe disa kritere për kompaninë fituese, e cila duhet të jetë e gatshme të ofroj shërbime në 24 orë. Po ashtu edhe telefonat kompania fituese duhet t’i ketë gjatë tërë kohës të hapur.

“Ofruesi i Shërbimeve – duhet të përgjigjët brenda orës (60 min ). nga momenti i kërkesës nga ana e Autoritetit Kontraktues për biletat në formë elektronike. OE duhet të caktoj person specifik i cili do të jetë pikë kontakti për ZKM dhe në dispozicion 24 orë për kërkesat e kabinetit. Personi që caktohet duhet ta ketë numrin direkt ku mund të kontaktohet në çfardo kohe. Në rast se thirrja nuk realizohet (nuk ka përgjigje nga agjencioni gjatë thirrjes), thirrja nga agjencioni duhet të kthehet brenda 15-30 minutave. Ky person duhet të jetë person ndryshe nga personi/kontakti emergjent të cilën duhet ta kemi po ashtu te përcaktuar nga agjencioni. Ofruesi i shërbimeve duhet të jetë në gjendje për të garantuar Shërbime 365 ditë në vit, 7 ditë në javë dhe 24 orë në ditë dhe duke ofruar emrat e personave të kontaktit, emailat dhe numrin e telefonit kjo do të jetë si kusht pas nënshkrimit të kontratës (kjo është një kërkesë e detyrueshme)”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!