Ministria e Punëve të Brendshme e Maqedonisë së Veriut ka dalur me reagim pas incidentit me presidenten Vjosa Osmani në Aeroportin e Shkupit.

Në versionin e tyre thuhet se sot rreth orës 10:00 në Aeroportin Ndërkombëtar të Shkupit, teksa presidentja Osmani po kalonte kontrollin kufitar, në momentin kur asaj iu kërkua që telefonin ta kalonte përmes skanerit, një person nga sigurimi i saj është larguar nga punonjësja e TAV-së, me qëllim që ajo të kalonte pa telefon të skanuar dhe bagazh dore.

“Por më pas bagazhi u kthye dhe kaloi përmes një skaneri. Pas gjysmë ore erdhi një person nga sigurimi i kryetarit të Kuvendit Gashi (polic) me dy persona të tjerë (polic) dhe filluan të kërcënojnë punëtorët e TAV-së dhe të pyesin se kush i ka shkaktuar problem presidentes. Në të njëjtën kohë ka shtyrë edhe një punonjës policie që punonte në pikën kufitare”, thuhet në njoftim.

Më tej, MPB-ja maqedonase tha se menjëherë pas kësaj është njoftuar Departamenti për Kontroll të Brendshëm, Hetime Kriminale dhe Standarde Profesionale dhe se po merren masa për zbardhjen e rastit.

Kjo u konfirmua edhe për Gazeta Insajderi nga këshilltari i presidentes Vjosa Osmani, Bekim Kupina.

Ai ka treguar se si ka ndodhur i gjithë rasti, derisa fajtorë për këtë e bënë sigurimin e aeroportit të Shkupit.

/Insajderi.org/