Reccep Tayyp Erdogan, ka rrëfyer natën e 15 korrikut të këtij viti, kur Forcat e Armatosura të Turqisë sulmuan institucionet shtetërore, por edhe private, me synim rrëzimin e presidentit turk nga pushteti.

Në një intervistë me televizionin amerikan CNN International, Erdogan ka treguar momentin e sulmit ndaj tij në Marmaris, kur ai po qëndronte për pushime.

“Nëse do të qëndroja më shumë se 10 apo 15 minuta, do të më vrisnin apo do më merrnin peng”, ka thënë ai, njofton Insajderi.

Duke iu adresuar mijëra njerëzve jashtë rezidencës së tij në Stamboll, presidenti turk ka folur për dënimin me vdekje, i cili mund të rikthehet në Turqi.

“Nuk mund të anashkaloni kërkesat e popullit”, ka thënë shkurt presidenti i Turqisë.

Erdogan i shpëtoi tentativës për grusht shtet të premten e 15 korrikut, pasi një grup i ushtrisë turke synonte largimin e tij nga pushteti. /Insajderi.com