Presidenti turk, Rexhep Tayyip Erdogan, tha të mërkurën se Turqia nuk do të lejojë copëtimin e Sirisë ose dëmtimin e integritetit të saj territorial nëse diplomacia për të zbatuar marrëveshje integrimi midis Forcave Demokratike Siriane të udhëhequra nga kurdët dhe qeverisë së Sirisë dështon.

“Ne kemi angazhuar të gjitha kanalet e diplomacisë si për të ruajtur integritetin territorial të Sirisë ashtu edhe për të parandaluar formimin e një strukture terroriste përtej kufijve tanë. Ne vazhdojmë t’i përdorim këto kanale me durim, sinqeritet dhe logjikë të shëndoshë”, tha Erdogan në një aktivitet për të shënuar rihapjen e parlamentit, raporton Reuters.

“Nëse nismat diplomatike lihen pa përgjigje, politika dhe qëndrimi i Turqisë janë të qarta. Turqia nuk do të lejojë që të ndodhë një deja vu në Siri“, shtoi ai.

Ankaraja e konsideron SDF-në organizatë terroriste dhe ka paralajmëruar për veprime ushtarake nëse ajo nuk integrohet në aparatin shtetëror të Sirisë sipas marrëveshjes me Damaskun. /Insajderi.org/

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”