Sport Club Gjilani komunikon angazhimin e Ertan Demirit në pozitën e drejtorit sportiv.

Demiri emërohet në krye të departamentit sportiv në klubin gjilanas pas përvojave shumëvjeçare në fushën e menaxhimit sportiv, teksa më parë ka ushtruar edhe funksione të larta sportive në Football Club Shkupi dhe Klubin Futbollistin Trepça ’89.

Karriera e tij e pasur si futbollist është manifestuar edhe në fushën menaxheriale, derisa ka qenë pjesë e transferimeve të shumta në tregun vendor dhe atë ndërkombëtar të futbollit.

Si një ish-reprezentues dhe agjent i njohur për ndërmjetësimin dhe transferimin e futbollistëve, 45 vjeçari synon të sjell përvojën e tij ndërkombëtare në SC Gjilanin.