Normalizimi i marrëdhënieve ndërmjet Kosovës dhe Serbisë mbetet kyç për stabilitetin rajonal dhe evropian, ka thënë zv/ndihmës sekretari amerikan i shtetit, Gabriel Escobar në një intervistë për median malaziase “Mina News”, përcjell Insajderi.

Krejt kjo bëhet në veçanti e rëndësishme në kontekstin e agresionit brutal rus në Ukrainë, dhe për ndikimet e tjera malinje “që shohin të krijojnë ndarje”.

Andaj, thotë ai, një marrëveshje ndërmjet palëve në dritën e propozimit të ri evropian me iniciativë evorpiano-amerikane “hap dyert për integrimin politik dhe ekonomik të Serbisë dhe Kosovës në BE si dhe kontribuon në stabilitet dhe prosperitet anëegjerë Ballkanit Perëndimor”.

Të hënën mbahet takimi i Nivelit të Lartë në Bruksel ndërmjet Kryeministrit të Kosovës, Albin Kurti dhe Presidentit të Serbisë, Aleksandar Vuçqi, ku pritet që “zyrtarisht dhe publikisht” të pranojnë propozim/planin evropian për normalizim të marrëdhënieve. Nga kjo marrëveshje pritet të burojë njohja “de facto” e shtetësisë së Kosovës nga Serbia, ndërsa Kosova të pranojë zbatimin e marrëveshjes për Asociacionin e Komunave me shumicë serbe./Insajderi/.