Mediat në Turqi kanë njoftuar se janë sulmuar fizikisht disa fansa të grupit muzikor britanik “Radiohead”, të cilët ishin të pranishëm në një event për dëgjimin e albumit të tyre.

Shkak për dhunën është bërë fakti se ata “po pinin birra gjatë muajit Ramazan”.

Sulmuesit kanë hyrë në dyqanin e quajtur “Velvet Indieground” kanë filluar t’u bërtasin punonjësve dhe i kanë rrahur me shkopinj fansat e “Radiohead”. Askush nuk është lënduar seriozisht bën të ditur gazeta Hurriyet.

Ndërsa grupi britanik ka lëshuar një komunikatë për media duke u dalë në mbështetje fansave të tyre dhe e kanë dënuar dhunën.

https://www.youtube.com/watch?v=XJMv_XPmvfQ