Real Madridi ka arritur një marrëveshje totale për transferimin e talentit 16-vjeçar të Ajaxit, Abdellah Ouazane, ka konfirmuar gazetari i njohur Fabrizio Romano.

Romano njoftoi marrëveshjen me shenjën e tij karakteristike ‘Here we go’, duke theksuar se transferimi është përfunduar dhe lojtari do t’i bashkohet Realit përpara sezonit 2025/26.

Mesfushori do të nënshkruajë një kontratë trevjeçare, maksimumi i lejuar për moshën e tij, dhe do të aktivizohet fillimisht me ekipin Castilla të Real Madridit.

Ouazane është një nga talentet më të mëdhenj të akademisë së Ajaxit dhe ka qenë kapiteni i Marokut U17, me të cilin fitoi Kupën e Kombeve të Afrikës dhe u shpall lojtari më i mirë i turneut.

Ai ka luajtur për Ajax që nga viti 2016, pasi u zhvillua në klubin lokal Zeeburgia, por refuzoi disa oferta profesionale nga klubi holandez për t’u transferuar në Spanjë.

Bashkë me të, do të kalojë te Real Madridi edhe vëllai i tij më i madh, Zakaria Ouazane, i cili do të luajë për ekipin Real Madrid C.

Të dy vëllezërit do t’i bashkohen klubit pas skadimit të kontratave me Ajax në fund të qershorit 2025, si pjesë e strategjisë së Realit për të investuar në talentet më premtues të rinj. /Telegrafi/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!