Ekipi menaxhues i rrjetit social më të popullarizuar në botë, Facebook, ka fshirë rreth 10 mijë profile, ndërsa bëhet fjalë për profile ku janë publikuar informacione të rreme në lidhje me zgjedhjet e ardhshme në Gjermani.
“Janë fshirë rreth 10,000 profile që publikonin informacione të rreme”, thuhet nga Facebook.
Ky rrjet social një hap të ngjashëm kishte ndërmarrë edhe përpara zgjedhjeve në Britaninë e Madhe dhe Francë. Para zgjedhjeve në Francë, u fshinë madje 30 mijë profile, shkruan Anadolu Agency.
Atë kohë nga Facebook u njoftua se disa profile kanë publikuar materiale me të cilat donin të ndikonin në zgjedhjet në këto vende.
Zgjedhjet në Gjermani do të mbahen më 24 shtator.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
