Një operacion i koordinuar nga Drejtoria për Hetimin e Krimeve të Rënda (DHKR) dhe Drejtoria Hetimore për Trafikim të Narkotikëve (DHTN), në bashkëpunim me Prokurorinë Themelore të Prizrenit, ka çuar në arrestimin e një mashkulli kosovar të dyshuar për veprat penale të fajdesë, armëmbajtjes pa leje dhe posedimit të paautorizuar të narkotikëve, shkruan Insajderi.

Më 16 prill 2025, autoritetet kanë realizuar një kontroll në shtëpinë e të dyshuarit, objektet përcjellëse dhe automjetin e tij, si dhe në një banesë me qira që ai përdorte. Gjatë kontrollit janë gjetur dhe konfiskuar si prova materiale:

• Dy pistoleta,
• Dy karikatorë me 9 copë fishekë,
• Një armë automatike me 81 copë fishekë,
• Një automjet,
• 1 kg e 57 gramë narkotikë të llojit marihuanë,
• Një peshore elektronike,
• Dy grinder,
• Dy telefona mobil.

Si pasojë e veprimeve hetimore dhe në bazë të provave të mbledhura, i dyshuari është arrestuar dhe është dërguar në mbajtje me vendim të prokurorit, për shkak të dyshimeve të forta për angazhim në aktivitete kriminale, thuhet në raportin policor.

Policia e Kosovës është angazhuar në vijim të hetimeve për zbardhjen e plotë të këtij rasti dhe për ndalimin e çdo aktiviteti tjetër të mundshëm kriminal që lidhet me të.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!