Një familjeje nëntë anëtarëshe nga Tirana, i është shpëtuar jeta në plazhin e Borshit, pasi gomonia me të cilën po lundronin pësoi defekt në motor.
Pas marrjes së njoftimit, shërbimet e Policisë Kufitare dhe Njësia Policore Detare shkuan në afërsi të plazhit Krorëz, dhe konstatuan familjen.
“Në bordin e tij ndodheshin drejtuesi dhe 8 familjarët e tij, të cilët kishin dalë së bashku për guidë turistike në këtë zonë”, tha Policia e Shtetit.
“Të nëntë shtetasit u transportuan me mjetin e Njësisë Speciale Delta në Portin e Sarandës, në gjendje të mirë shëndetësore”.
Gjithashtu, mjeti i tyre lundrues u transportua nga policia po në këtë port, thuhet tutje në kumtesë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
