Një barnatore në Ferizaj ishte cak i hajnave të hënën pasdite. Një person i maskuar e nën kërcënimin e thikës ka kërcënuar farmacisten nga e cila ka arritur të grabit rreth 400 euro, mëson Gazeta Insajderi.

Sipas zëdhënësit të policisë në Ferizaj, Kanun Veseli njoftoi për Insadjerin se rastin ka ndodhur në rrugën “Reçaku” në Ferizaj.

“Me datën 15.01.2024, rreth orës 19:20 kemi pranuar një informatë se në rrugën “Reçaku” në Ferizaj, në një barnatore, një person i maskuar nën kërcënimin e armës së ftohtë ( thikë), ka arritur që nga aty të grabisë para kesh, rreth 400 euro dhe të largohet në drejtim të panjohur”, tha ai.

Ekipe të policisë kanë dalë menjëherë në vendin e ngjarjes dhe nën autorizim të prokurorit kujdestar i kanë nisur hetimet dhe kërkimin e personit të dyshuar.

Në barnatore ishte një farmaciste/shitëse dhe nuk raportohet për lëndime.

Policia njofton se rasti vazhdon në procedurë hetimore.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur