Faruk Statovci ka folur për talentin e Lille dhe të përfaqësueses së Kosovës, Edon Zhegrovën, duke shpjeguar se çfarë duhet të bëjë ai për të arritur nivelin e lojtarëve të mëdhenj dhe për të luajtur në një klub si Barcelona.

Statovci ka vlerësuar arritjet e Zhegrovës, duke e përmendur si lojtarin më të mirë në ndeshje të rëndësishme si ndaj Real Madridit dhe Juventusit, duke theksuar se është një fat i madh për Kosovën të ketë një talent si Zhegrova.

Ai tha: “Unë pajtohem me rastin e Zhegrovës sepse të shpallet ndaj Real Madridit lojtar i ndeshjes, ndaj Juventusit lojtar i ndeshjes nuk është e lehtë dhe është fat i yni që e kemi një talent siç është Zhegrova.”

Megjithatë, ai e theksoi se Zhegrova ka mundësi për të shkuar më larg nëse vazhdon të punojë.

“Jo çdo herë lojtarët janë gjithë të njëjtë, por unë mendoj që në këtë aspekt nëse ai e ndal veten dhe punon më në tokë unë mendoj që i ka mundësitë ndoshta pse mos të luaj në Barcelonë, ku mendoj që me cilësitë dhe potencialin që ka, mundet me qenë padyshim edhe me një ekip më të madh se Lille”, u shpreh Statovci për Indeksonline.