Kryeministri i Kosovës, Albin Kurti nuk ka shkuar asnjëherë në Shtetet e Bashkuara të Amerikës. Sot, ai shënon ditëlindjen e parë si kryeministër i vendit dhe nuk ka shkelur asnjëherë në token amerikane, shkruan Insajderi.

Ndonëse një vizitë e tija në SHBA ishte paralajmëruar disa herë nga vetë ai dhe stafi i tij, kjo deri me tani nuk ka ndodhur.

“Për shkak të situatave që ndodhemi jemi të detyruar ta ç’postojmë muaj pas muajve”, kjo ishte përgjigja e Kurtit kur ai u pyet nga gazetarët se përse ende nuk ka shkuar në Amerikë.

Kjo ishte përgjigja e fundit e tij e bërë me 9 mars të këtij viti.

Por, Kurti edhe para 6 muajve kishte deklaruar se në muajin nëntor të vitit 2021 do të shkonte për vizitë zyrtare në SHBA, por, as kjo vizitë nuk ndodhi.

Albin Kurti edhe gjatë kohës së qeverisë Kurti 1 nuk ka pasur raporte të mira me Amerikën. Sipas ish-ambasadorit të Shteteve të Bashkuara në Kosovë, Philip Kosnett, SHBA-të kanë qenë përgjegjëse për shpërbërjen e qeverisë Kurti 1.

Sipas tij, prishja e koalicionit mes Lëvizjes Vetëvendosje dhe Lidhjes Demokratike të Kosovës , erdhi si pasojë e faktit që Shtetet e Bashkuara në atë periudhë nuk mbështesnin dhe nuk pajtoheshin me disa nga politikat e ndjekura nga qeveria “Kurti 1”.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”