Fatmir Pireci, ish-zëdhënësi i Komunës së Prizrenit, në kohën e Eqrem Kryeziut, nuk ka dashur të komentoj rreth sharjes që sekretari i Partisë Demokratike të Kosovës, Nijazi Kryeziu ia ka bërë në përgjimet e publikuara me Adem Grabovcin.

“Nuk kam koment”, ka thënë Pireci për “PrizrenPress”.

Pireci thotë se nuk e ka pritur nga Kryeziu një sharje të tillë.

“Jo nuk e kam pritur”, shprehet Pireci.

Pireci i cili kishte qenë kandidat për bordin e Ujësjellësit të Prizrenit, është sharë e fyer rëndë në bisedën telefonike mes Adem Grabovcit dhe Njzai Kryeziut të cilët vendosin se kush duhet të jetë në listën e kandidatëve. Kriter për ta, sipas përgjimeve është vetëm nëse kandidati është i partisë së tyre.

Fatmir Pireci, gjatë kohës së qeverisjes së Prizrenit nga LDK-ja, ka qenë zëdhënës i Komunës së Prizrenit. Kurse në vitin 2013-të ka aderuar në PDK, duke u bërë bashkëpartiak i Nijazi Kryeziut.