Haxhi Avdyli nga “Lista Guxo” ka dështuar të jetë sërish ministër i Shëndetësisë, përkundër që emri i tij u lakua nëpër media.
Avdyli i cili iu gëzua tej mase fitores së 14 shkurtit dhe nga ana e tij u pa një entuziazëm i madh për fitoren e Kurtit e Osmanit është shpërfillur nga kryeministri Kurti. Ai sot emëroi Rifat Latifin, ministër të Shëndetësisë.
Madje pas koalicionit VV-Lista Guxo ai tha se e keqja do të merr fund në Kosovë, duke lartësuar figurën e Kurtit e Osmanit.
Kur Avdyli ishte pyetur në nëntor nëse do ta jetë ministër i ri i Shëndetësisë, Avdyli as nuk e kishte mohuar as pohuar.
“Nuk kam kurrfarë deklarate, më vjen keq”, tha shkurt Avdyli për Insajderi.
Avdyli kishte thënë se nuk është në dorën e tij posti i ministrit, ndërsa kishte treguar se diskutimet janë të vazhdueshme.
“Nuk mund me i konfirmua asgjë, sepse procesi i diskutimeve është i nivelit më të lartë, është i vazhdueshëm por nuk mund ta konfirmoj asgjë sepse kjo nuk është në dorën time por në dorën e atyre të cilët janë vendimmarrës në politikën kosovare sot”, kishte shtuar tutje.
Ndërkohë, se ministri do të jetë nga radhët e “Listës Guxo” e tha edhe ministri i Bujqësisë, Faton Peci, i cili poashtu vije nga kjo listë.
Në një konferencë për media ku foli për projektligjin për bujqësi dhe zhvillim rural, i cili u miratua paraprakisht në mbledhjen e qeverisë, Peci u pyet nëse ministri i Shëndetësisë do të jetë nga Lista Guxo, por tha se nuk mund të flasë për emrin.
“Tash unë këtu kam dalë për të diskutuar për zhvillimet e fundit në sektorin e bujqësisë. Se cili do të jetë emri i ri i ministrit të Shëndetësisë do ta vendos kryeministri. Ne si partner i Qeverisë normalisht që do ta kemi pjesën e konsultave, por nuk mund të flas se cili do të jetë ministri i Shëndetësisë”, tha Peci, përcjell Insajderi.org
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
