Kandidati për kryetar të Prishtinës nga radhët e Lidhja për Prishtinën, Fehmi Kupina, ka ushtruar sot të drejtën e votës së bashku me bashkëshorten e tij.
Përmes një postimi në rrjete sociale, Kupina e ka cilësuar 12 tetorin si një ditë të rëndësishme për qytetarët, Kryeqytetin dhe gjithë Republikën e Kosovës.
“Sot është dita kur ju vendosni për udhëheqjen tuaj lokale për katër vitet e ardhshme,” ka shkruar ai, duke theksuar rëndësinë e pjesëmarrjes në këtë proces demokratik.
Kupina u ka bërë thirrje të gjithë qytetarëve me të drejtë vote që të dalin dhe ta shfrytëzojnë të drejtën dhe përgjegjësinë e tyre kushtetuese.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
