Një fëmijë është goditur nga një veturë mesditën e sotme në rrugën “Wesley Clark” në Pejë.

Ngjarja ka ndodhur rreth orës 12:55, ndërsa policia dhe ekipi mjekësor kanë reaguar menjëherë pas njoftimit.

Drejtori i Qendrës Emergjente në Pejë, Besnik Ibraj, tha se pacienti është duke vazhduar me ekzaminimet mjekësore, shkruan Insajderi.

“E kemi pranuar një fëmijë për trajtim në spitalin e Pejës si pasojë e goditjes nga vetura. Gjendja është stabile, jashtë rrezikut për jetën. Po vazhdon me ekzaminimet mjekësore. Ka lëndime në gjunjë dhe regjionin e gjoksit,” deklaroi Ibraj.

Lajmin për aksidentin e ka konfirmuar zëdhënësi i Policisë për rajonin e Pejës, Driton Rugova, i cili bëri të ditur se fëmija është dërguar menjëherë në spital për trajtim.

“Sot rreth orës 12:55, Policia është njoftuar për një aksident trafiku i cili ka ndodhur në rrugën Wesley Clark në Pejë. Në këtë aksident ishin të involvuara një veturë dhe një këmbësor (fëmijë), si pasojë e aksidentit këmbësori ka pësuar lëndime trupore. I njëjti është dërguar në emergjencën e Spitalit Rajonal në Pejë për tretman mjekësor”, tha Rugova.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!