Një baba mysliman është duke tentuar të fitojë kujdestarinë e vajzës së tij nëntëvjeçare pasi atij nuk i pëlqen partneri i ish-gruas së tij dhe nuk aprovon konvertimin e saj në fenë e krishtere, raporton Daily Mail.

Analisti politik, emri i të cilit nuk është bërë i ditur, i ka thënë Gjykatës së Lartë në Londër se është shkurorëzuar nga gruaja sepse ajo nuk jetonte sipas stilit të fesë islame.

Ai është përfshirë në seancën gjyqësore lidhur me kujdestarinë e vajzës së tij nëntëvjeçare, e cila jeton me nënën që prej shkurorëzimit të prindërve.

Në seancë ai ka thënë se nuk pajtohet që ish-gruaja e tij të ketë të dashur katolik. Gjatë seancës është dëshmuar se analisti politik kishte marrë vajzën për pushime në Algjeri pa lejen e nënës së saj. Atje ai e kishte lënë vajzën te të afërmit e tij.

Gjykata e urdhëroi atë që ta kthente vajzën e vogël te nëna e saj, e cila ishte konvertuar në fenë islame për t’u martuar me analistin.