Kandidati për kryetar të Vushtrrisë, Ferit Idrizi, ka theksuar sot se takimet me qytetarët dhe bizneset e qytetit po e mbushin çdo ditë me energji pozitive dhe shpresë për të ardhmen.
Ai tha se mirëpritja dhe mirënjohja e vushtrriasve janë dëshmi e një rruge të përbashkët drejt zhvillimit.
“Me bizneset e Vushtrrisë gjithmonë kemi ecur bashkë drejt punëve të mëdha dhe fitoreve, dhe bashkë do të vazhdojmë të ecim drejt zhvillimit edhe pas 12 tetorit”, u shpreh Idrizi.
Me moton #mamirëpërVushtrrinë, Idrizi e përmbylli mesazhin e tij duke u zotuar se partneriteti me qytetarët dhe bizneset do të mbetet themeli i qeverisjes së tij.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
