Kandidati i Partisë Demokratike të Kosovës (PDK) për kryetar të Vushtrrisë, Ferit Idrizi, ka përkujtuar sot policin e Kosovës, Afrim Bunjaku, në dyvjetorin e rënies së tij gjatë sulmit terrorist në Banjskë më 24 shtator 2023.
Idrizi, së bashku me përfaqësues të tjerë dhe qytetarë, bëri homazhe pranë varrit të Bunjakut dhe vizitoi familjen e tij. Ai tha se sakrifica e policit është një kujtesë e përjetshme për guximin dhe përkushtimin në mbrojtje të atdheut.
“Afrimi ishte baba dhe qytetar i ndershëm i Vushtrrisë, që u përball me guxim ndaj një sulmi të organizuar ushtarakisht e të financuar nga Serbia. Heroi ynë do të mbetet përjetësisht shembull i trimërisë dhe përkushtimit ndaj Kosovës,” deklaroi Idrizi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
