Kryetari i Komunës së Vushtrrisë, Ferit Idrizi nga radhët e PDK-së, i cili garon për një mandat të dytë, ka folur për arritjet gjatë qeverisjes së tij, duke veçuar projektet infrastrukturore dhe zgjidhjen e problemit me qentë endacakë.

Idrizi theksoi ndërtimin e sheshit të Lirisë, të cilin e përshkroi si një hapësirë të frekuentuar nga qytetarët dhe me ndikim pozitiv në zhvillimin e bizneseve përreth.

“E kemi ndërtu sheshin e Lirisë, përballë Shtëpisë së Kulturës. Është bërë një pjesë e bukur, është shumë e frekuentuar dhe është kthyer në qendër biznesi,” u shpreh Idrizi në emisionin “Pressing”.

Ai gjithashtu deklaroi se problemi i qenve endacakë është zgjidhur në mënyrë definitive, përmes një kontrate në vlerë prej 300 mijë eurosh me kompani veterinare që kujdesen për trajtimin e tyre në përputhje me ligjin.

“Kemi menaxhuar dhe zgjidhur përfundimisht problemin e qenve endacakë. Qyteti është i pastër. Për mandatin e ardhshëm, kemi paraparë ndërtimin e një strehimoreje të re në një zonë malore,” tha Idrizi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!