Ministri i Mbrojtjes, Armend Mehaj ka njoftuar se kanë filluar operacionet e deminimit për për pastrimin e fushave të minuara.

Siç njofton ministri, gjatë këtij viti do të punohet në katër lokacione të ndryshme të vendit.

“Kompania jonë e deminimit, ka filluar operacionin e deminimit humanitar për pastrimin e fushave të minuara, duke u bazuar në planifikimin për vitin 2023. Gjatë këtij viti, njësitë e deminimit do të punojnë në 4 lokacione të ndryshme të vendit, krahas kujdestarisë në 24/7 të ekipeve për asgjësimin e mjeteve të pashpërthyera (EOD). Krenar gjithmonë me heronjtë tanë!”, tha ai.