Kapiteni i Përfaqësueses së Kosovës në futboll, Amir Rrahmani, ka qenë ndër më të mirët në fushë te Napoli që mposhti në udhëtim Cagliarin me rezultatin e thellë, 4:0. Ndeshja e luajtur të dielën i takoi javës së katërt të Serie A. Rrahmani kompletoi ndeshjen. Për Napolin është fitorja e tretë e arritur në katër ndeshje.

Golin e parë Napoli i shënoi në minutën e 18-të. Realizator ishte Giovanni Di Lorenzo, që shënoi me asistim të Romelu Lukakut.

Në pjesën e dytë, Napoli shënoi edhe tre gola tjerë.

Në minutën e 66-të për 2:0 shënoi sulmuesi i Gjeorgjisë, Khvicha Kvaratskhelia, kurse katër minuta më pas Lukaku shënoi për 3:0.

Alessandro Buongiorno shënoi golin e katërt në minutën e 93-të.