Trajneri i Barcelonës, Hansi Flick, ka konfirmuar se Inaki Pena do të vazhdojë si portier titullar në vazhdim, dy muaj pasi blaugranasit transferuan Wojciech Szcesznyn pas lëndimit të Ter Stegen.

Shumë persona pritën që Szczesny të marrë vendin e Ter Stegen pas lëndimit, duke marrë parasysh CV-në e tij, por Flick e ka mbajtur besimin tek Pena.

Tekniku gjerman në konferencën për shtyp para ndeshjes së nesërme (e martë) ndaj Mallorcas, u pyet nëse polaku do të luajë së shpejti.

“Ai po paraqitet mjaft mirë në stërvitje, por për momentin plani nuk është për të ndryshuar këtë, kështu që Inaki është numri një”.

“Siç e kam thënë më herët, dhe qëndron e njëjta”, ka thënë Flick.

Për fund Flick nuk pranoi që të ankohet për ndarjen e drejtësisë ndaj Las Palmas, duke thënë se nuk dëshiron që kjo të merret si arsyetim.

Mesazhi i tij kryesor në drejtim të lojtarëve të tij ishte që të luftojnë më shumë në fushën e blertë.