Rreth 90 mijë shtetas shqiptarë dhe të huaj, si dhe 23 mijë e 400 automjete, kanë hyrë në Shqipëri, gjatë 24 orëve të fundit. Policia njofton se në Kakavijë dhe në Kapshticë vijon fluksi në hyrje.
Në këto pika deri tani kanë hyrë mbi 23 mijë shtetas dhe shtatëmijë automjete. Për të shmangur radhët, policia kufitare ka kërkuar nga homologët grekë shtimin e sporteleve.
Ndërkohë fluks udhëtarësh është regjistruar dhe në pikat e tjera kufitar. Në aeroportin e Rinasit dhe atë të Kukësit kanë hyrë rreth 13 mijë e 500 shtetas shqiptarë dhe të huaj.
Sakaq numër të lartë udhëtarësh ka pasur dhe në portin e Durrësit dhe atë të Vlorës ku kanë hyrë rreth 12 mijë e 500 qytetarë vendas e të huaj.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
