Gazeta prestigjioze “The Guardian” dje ka zgjedhur foton e ditës, foto që janë realizuar nga mbarë bota, mirëpo ballinën e kësaj gazete e ka zënë foto nga Kosova, e bërë me rastin e garës së kërcimeve në Urën e Fshajtë në Gjakovë.

Foto e realizuar nga fotografi Armend Nimani është zgjedhur në mesin e 10 fotove më të mira nga e gjithë e bota.

“Njerëzit shikojnë se si hidhet një njeri nga 20 metra lartësi, gjatë garës së kërcimeve”, shkruan “The Guardian”, për foton.

Gara e Urës së Fshajtë organizohet nga Drejtoria e Kulturës së Komunës së Gjakovës dhe mbahet çdo vit ku sjellë shumë të pranishëm. /Insajderi.com