Fotografia e policit turk që qëndron pranë trupit të vrarë të ish-ambasadorit rus, Andrei Karlov në Ankara, ka bërë që fotografi i agjencisë së lajmeve “Associated Press”, Burhan Ozbilici të fitojë garën e Fotografisë më të Mirë të vitit të përdorur në shtypin ndërkombëtar gjatë vitit 2016.

Fotografia ishte bërë menjëherë pasi polici i Njësisë Speciale turke, Mevlut Mert Altintas, 22 vjeç, kishte vrarë ambasadorin Andrei Karlov në një galeri të arteve në Ankara, më 19 dhjetor.

Në fotografinë që ka fituar çmimin, Altintas, i veshur me kostum dhe kravatë, qëndron me armë në dorën e djathtë, të drejtuar kah dyshemeja, dhe me gishtin tregues të dorës së majtë të ngritur lart.

Trupi i ambasadorit, ndërkaq, është në dysheme.

Ambasadori i Rusisë ishte në Turqi duke mbajtur një fjalim në një ekspozitë të quajtur “Rusia siç shihet nga turqit”, teksa u qëllua. /Insajderi.com