Ndonëse ishte marrë një vendim për t’i larguar nga qarkullimi të gjithë taksitë ilegalë në Komunën e Prishtinës katër muaj më parë, kjo ende nuk ka ndodhur.

Mirëpo, inspektorati i Komunës së Prishtinës ka dalë në një aksion në bashkëpunim me Policinë e Kosovës për ndalimin e këtyre taksive ilegalë në Prishtinë – tek vendi i njohur si ‘Tre sheshirat’. Në disa foto të siguruara nga Insajderi, shihet se inspektorati i Komunës është duke i dënuar dy taksi ilegalë që operojnë në kryeqytet.

Rreth katër muaj më parë pas protestës së punëtorëve të Trafikut Urban, Komuna e Prishtinës i është përgjigjur pozitivisht kërkesave të tyre duke ndërmarrë aksion për largimin e taksive ilegale nga lokacione të ndryshme të kryeqytetit.

Zyrtarë të Inspeksionit të Komunës së Prishtinës kishin larguar nga vende të ndryshme në Prishtinë rreth 30 taksi që operonin asokohe ilegalisht.

Por ky problem ende nuk është zgjidhur pasi një numër i madh i taksive ilegalë operojnë ende në kryeqytet. /Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur