Kryeministri Albin Kurti arsyetoi debaklin në zgjedhjet lokale me “defekte brenda partisë” dhe me “bashkimin e partive tjera” por kjo e fundit po kontestohet me të madhe nga aktivistët e PSD-së.

Aktivisti dhe ish zëdhënësi i VV-së, Frashër Krasniqi i ka përmendur gjithsej nëntë koalicione të fshehta e të hapura të kësaj partie për këto zgjedhje.

Këtu përfshihen komuna si Kamenica, Gjilani, Juniku, Sharri, Vushtrria, Shtimja, Prizreni dhe Vitia.

“Pasi mblodhi keqpërdorues, karrieristë e të korruptuar, majtas e djathtas dhe e mbushi partinë me ta; provoi të bëj pazare poshtë e lartë me të gjitha partitë, pasi krejt këto nuk i mjaftuan për t’i fituar zgjedhjet, tash Albin Kurti e VV-ja kthehen tek streha “kriminelët u bashkuan kundër nesh”.” – është shprehur z. Krasniqi.

Statusi i plotë:

– VV në Kamenicë bëri koalicion me AAK-në, AKR-në, dy ish-kryetarët e dështuar të komunës, Shaip Surdullin (LDK) dhe Begzat Sinanin (PDK), Fatmir Matoshin ish-ministër në Qeverinë PLAN;

– VV në Gjilan bëri koalicion me Qemajl Mustafën (ish-PDK) që ishte akuzuar për krim të organizuar e korrupsion si dhe me Listën Srpska (takimet e Ismajl Kurteshit që u dokumentuan me foto nëpër medie);

– VV në Junik bëri koalicion me LDK-në;

– VV në Sharr bëri koalicion me LDK-në;

– VV në Vushtrri e mbështeti PDK-në;

– VV në Shtime bëri koalicion të fshehur me LDK-në;

– VV në Prizren bëri koalicion me zv.Kryeministren e “PLAN”-it, Albulena Balajn (dhe një pjesë të NISMA-s);

– VV në Viti bëri koalicion me AAK-në;

VV gjithkund, ama bash gjithkund, ka negociu me partitë e tjera, për mundësi koalicionesh.

Pasi mblodhi keqpërdorues, karrieristë e të korruptuar, majtas e djathtas dhe e mbushi partinë me ta; provoi të bëj pazare poshtë e lartë me të gjitha partitë, pasi krejt këto nuk i mjaftuan për t’i fituar zgjedhjet, tash Albin Kurti e VV-ja kthehen tek streha “kriminelët u bashkuan kundër nesh”.

N’fakt, ju i bashkuat keqpërdoruesit, konservatorët, regresistët, krejt bashkë… kundër Qendronit dhe kundër kandidatëve të tjerë, kudo që patët mundësi.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman