Oleksandr Usyk është kampioni i padiskutueshëm i botës në boks në kategorinë e rëndë.

Boksieri ukrainas e mundi britanikun Fury pas 12 raundeve.

Ishte një vendim i ndarë dhe i ngushtë që vendosi për fituesin nga gjyqtarët.

Ishte raundi i tetë ai që bëri diferencën, me Usyk që ishte gati ta nokautonte Furyn.

“Besoj se e fitova ndeshjen. Besoj se ai fitoi disa raunde, por unë fitova më shumë prej tyre. Ne do të kthehemi te familjet tona dhe do të shihemi sërish në tetor”.

“Unë nuk do të ulem këtu dhe të qaj dhe të kërkoj justifikime”, ka thënë Fury.

Tani, Usyk ka të gjithë titujt në pronësi në kategorinë e rëndë.