Nënkryetari i Lidhjes Demokratike të Kosovës, Lutfi Haziri para pak minutash ka publikuar një fotografi të Vjosa Osmanit, sa ishte pretendente për kryeministre nga radhët e LDK-së.

Në fotografinë e publikuar nga Haziri në Facebook, shihet Vjosa Osmani në njërin prej tubimeve të zgjedhjeve të 2019-ës.

Nuk dihet nëse Haziri e ka publikuar gabimisht apo ka provokuar me këtë fotografi, kur dihet se tashmë Osmani ka ndarë rrugët me LDK-ën.

Në shkrimin e tij Haziri ka njoftuar se LDK në Gjilan është duke u mobiluzar për zgjedhjet e reja.

Shkrimi i plotë i Hazirit:

Sonte, bashkë me strukturat e LDK’së në Gjilan, kryesinë, kryetarët e nëndegëve, Forumin e Gruas dhe Forumin e Rinisë, mbajtëm takimin mobilizues për zgjedhjet e jashtëzakonshme parlamentare.

Afro 1000 veprimtarë dhe veprimtare janë aktivizuar, kanë nisur angazhimin në terren dhe po punojnë me entuziazëm të paparë.

Prej sonte, e kemi funksionalizuar Shtabin Zgjedhor, të cilit do t’i prijë me kënaqësi drejt fitores së madhe për Gjilanin e Republikën.

Lista për deputetë do të jetë reprezentative dhe me integritet të lartë njerëzor e profesional. Bashkë do t’i zgjedhim njerëzit më të mirë të Gjilanit. LDK është e madhe. Urime zgjedhjet!

Vjosa Osmani, ish-kandidatja e LDK-ës dhe njëherit ish-nënkryetarja e kësaj parti gjatë 2020-ës ka pasur përplasje të vazhdueshme me Isa Mustafën. Përplasje të cilat quan deri në largimin e saj nga LDK-ja./Insajderi.org

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!