Pas grafiteve në kryeqytet kundër Fadil Gecit për shkak të dëshmisë së tij në Hagë, ka reaguar ashpër vëllai i tij Gani Geci.
Geci në nervoz e sipër duke folur shihet duke e zbërthyer tërësisht këmishën teksa u ka bërë thirrje atyre që e bënë grafitë të takohen.
Gjatë fjalimit të tij, ai e ka ofenduar rëndë ish-presidentin, Hashim Thaçi.
“Këto grafitë denigruese kundër familjes Geci, vëllai ka dëshmuar të vërtetën në Gjykatën Speciale. Ajo gjykatë është e Kosovës, prapa saj është Amerika dhe BE-ja. Këto grafitë denigruese janë të iniciuara nga një organizatë Liria ka Emër, e nëse liria e ka emrin Hashime, po iu boj be që këto Hashimet kam qejf me i punu”, tha ai para gazetarëve.
“Unë jam këtu para juve ditën, ata që më kanë vra shokët natën, kam thënë para 23 vjete, s’ko me lanë gur pa rrotullu. Nuk u kallë krejt dynjaja. I ftoj krejt rusët, Putinin, Milloshin, Enverin e Titën, e le të çohet edhe Hashimja prej Broje këtu, se familjen tonë nuk e denigrojnë. Kur i kam vra unë serbët pushkës i kanë thanë Kaka“.
“Deklarata e Gani Thaçit e ka rrethuar familjen Jashari, deklarata e Gani Thaçit e ka vra familjen Jashari.Nuk po ndihna i frikësuar, se i kërcënuar jo. Gjithçka që vjen pas kësaj ka emër dhe ka adresë, te Hashimja. Nuk ki tjetër kund, për kënd ka folur ai aty. Dëshmitarët serbë e kanë vendin në Serbi, i kam ndjek prej Kosovës në vitin 1999, jo Hashimja. LPK-ja ato janë realitet. Na jemi këtu, unë nuk iki prej Kosovës prej Hashimes, liria nëse e ka emrin Hashime. A pe shihni gjyksin hajde”, tha Gani Geci.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
