Debati i nisur ditëve të fundit për zgjedhjen e futbollistëve shqiptarë që të luajnë me Kosovën duket se ka nervozuar aq shumë një gazetar në Shqipëri, i cili nuk ka kursyer ofendimet ndaj kosovarëve.

Isuf Kurtaj, gazetar i Shekullit, një medium i rëndësishëm në Shqipëri, iu ka referuar Kosovës si “Kosovska e Metohija” ndërsa ka thënë se kosovarët janë racë e poshtër.

Gazetari Kurtaj është nga Kosova, por ka studiuar e jetuar në Tiranë tash e disa vite.

“E zëmë se Kosovska-Metohio që shumë prej jush i paska gërryer kaq shumë meraku me bë ekip kualifikohet, një gjë doja t’ju pyesja: si leshin do të brohorisni? O sa mirë me qenë kosovarë? Yt racë e poshtë!”, ka shkruar ai në llogarinë e tij në Facebook, shkruan Gazeta Express.

Disa lojtarë shqiptarë që kanë bërë emër në futbollin ndërkombëtar kanë vendosur që të largohen nga kombëtarja e Shqipërisë për të luajtur për Kosovën, përfshirë këtu edhe Milot Rashicës, i cili ka luajtur edhe me shpresat e Kombëtares së Shqipërisë./Insajderi.com