Ministri i Financave Hekuran Murati, i njohur edhe për merakli të meseleve në foltoren e Kuvendit të Kosovës, tha se “thesi i shqyer i financave është qepur” derisa prezantoi një grafikon që supozovisht demonstronte se “deficiti buxhetor u zvogëlua në rekord historik”, shkruan Insajderi.

Megjithatë se ky “thes” është “qepur” tamam siç pandeh Murati nuk po e beson gazetari Lavdim Hamidi. Në tetë vende, siç lë të kuptohet Hamidi, ky thes vazhdon të mbetet i shqyer.

“Pse Hekuran Murati nuk flet për: Deficitin tregtar 5 miliardë €; 150 milionë € humbje të Trustit; Trusti pa Bord; BQK pa guvernator; Rënie të investimeve në projekte kapitale; Rritje të interesit në kredi; Shtrenjtim të rrymës; Inflacion 10.5%”, shkroi ai.

Çfarë tha Murati?

Investimet kapitale janë pothuajse inekzistente, rritja ekonomike ka marrë tepojzën e standardi i jetesës ka pësuar rënie enorme, por Ministri i Financave Hekuran Murati, thotë se “thesi i shqyer i financave është qepur”, shkruan Insajderi.

Në shoqërimin e frazës së “qepjes së thesit të shqyer” Murati u paraqit me një grafikon në Facebook-un e tij për të treguar se “Deficiti buxhetor zvogëlohet në rekord historik”.

“Financat publike janë kthyer në binarë dhe thesi i shqyer është qepur. Jemi kujdesur që të mos shkaktojmë barrë të paqëndrueshme financiare e të mos rrisim borxhin publik, përkundër faktit që kishim pakot mbështetëse më voluminoze në rajon”./Insajderi/

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja