“Stop, stop stop”…është përsëritur rreth 10 herë kjo fjalë nga kryeministri Edi Rama, duke ju drejtuar gazetares Eni Vasili. Ky ishte vetëm një nga momentet kur kreu i qeverisë shqiptare i është drejtuar me nënqeshje dhe “urdhra” drejtueses së emisionit “Studio e hapur” në News 24.

Siç duket Ramës nuk i pëlqeu ndërhyrja e gazetares teksa kjo e fundit i vuri në dukje se shembulli që kryeministri mori duke krahasuar veten me Merkel, ‘çalonte’.

‘Krahasimi çalon’, i tha gazetarja Ramës, ndërsa ai nuk nguroi t’i kërkonte disa here që Vasili të ndërpriste fjalën dhe ta linte atë të fliste.

Rama: Stop, stop, stop…Nuk të lë të ikësh me një fjali..

Eni Vasili: Stop apo jo ky është domeni im…Unë mikrofonin kam, juve keni qeverinë, policinë, gjithë pushtetin që doni…Nuk mund të më thoni stop në studion time televizive

Rama: Nuk mund te ikesh duke hedhur nje batutë…

http://www.dailymotion.com/video/x5fkxd0_20170321-221917_news#tab_embed

Teksa gazetarja e pyeste dhe kërkonte përgjigje të drejtpërdrejta nga kreu i qeverisë, Rama i është kthyer me një sjellje deri në vulgaritet, transmeton Express.

“O zot, o zot..” shprehej Rama duke shprehur me ironi mospëlqimin ndaj faktit që Eni Vasili i drejtohej me pyetje për përgjigjet e munguara nga ana e tij.

E ka kaluar me sportivitet këtë shprehje gazetarja Eni Vasili teksa e ka pyetur: “Nëse do të kishit Zotin para meqë po e thërrisni kaq shumë z.Kryeministër, çfarë do t’i thoshit?”

“Zot të lutem dritë mbi çadër se i ka pllakosur errësira..”, u përgjigj Rama.

Përplasje pati edhe më herët kur gazetarja i përmendi standartet e dyfishta me shkarkimin e ministrave.

“Po harrova të të pyes ty! Harrova të të pyes ty! Apo të shkoja studio më studio duke pyetur: A ta heq këtë? Apo të heq këtë ministër?” shpërtheu Rama në ironi.