Ministria e Punëve të Jashtme dhe Diasporës Donika Gërvalla, do të përfaqësojë Kosovën në seancën e sotme të Këshillit të Sigurimit të Kombeve të Bashkuara.

Kjo seancë do të mbahet me fillim nga ora 16:00 sipas kohës tonë lokale.

Sipas MPJD-së, Gërvalla është nisur për në New York.

“Gjatë kësaj seance, Ministrja Gërvalla do të shpalosë arritjet e Republikës së Kosovës në fusha të ndryshme, përfshirë procesin e demokratizimit, zhvillimin ekonomik, të drejtat e komuniteteve dhe situatën aktuale në komunat veriore të Republikës së Kosovës”, thuhet në njoftim.