Një person ka humbur jetën si pasojë e plagëve të marra nga arma e zjarrit në incidentin që ndodhi në rrugën “Rrustem Hyseni” mbrëmjen e së martës. Personi që ka ndërruar jetë nga plagët e marra është Naser Gashi. Ndërkaq, i plagosuri tjetër është Miftar Miftari.

Policia e Kosovës ka identifikuar autorin e dyshuar të këtij akti, Alban Gashi, dhe aktualisht është në kërkim të tij.

Dyshohet se Gashi ka qenë i shoqëruar nga një person tjetër, të cilin policia gjithashtu po e kërkon.

E lidhur me këtë rast, Policia ka dhënë detaje shtesë.

Policia e Kosovës ka siguruar informacione se armët e përdorura në kryerjen e veprës penale të lartcekur gjenden të fshehura në magjistralen Prishtinë – Mutivodë. Lidhur me rastin në lokacion kanë dalë njësitë përkatëse policore dhe në konsultim me prokurorin e rastit kanë bërë sekuestrimin e tri armëve të zjarrit: një armë zjarri AK 47, një armë zjarri e tipit TT dhe një armë zjarri COLT.

Në raportin e saj, policia konfirmon se rasti është cilësuar si “Vrasje e rëndë në bashkëkryerje dhe armëmbajtje pa leje”. Hetimet po vazhdojnë intensivisht për të identifikuar dhe arrestuar personat e dyshuar, si dhe për të ndriçuar të gjitha rrethanat e ngjarjes.

“Raport shtesë:

VRASJE E RËNDË NË BASHKËRYERJE&ARMËMBAJTJE PA LEJE

Rr. “Bajram Kelmendi-Rrustem Hyseni”, Prishtinë / 25.03.2025 – 22:25. Lidhur me rastin e datës së lartcekur Policia e Kosovës ka siguruar informacione se armët e përdorura në kryerjen e veprës penale të lartcekur gjenden të fshehura në magjistralen Prishtinë – Mutivodë. Lidhur me rastin në lokacion kanë dalë njësitë përkatëse policore dhe në konsultim me prokurorin e rastit kanë bërë sekuestrimin e tri armëve të zjarrit: një armë zjarri AK 47, një armë zjarri e tipit TT dhe një armë zjarri COLT. Policia e Kosovës po vazhdon të punojë intensivisht në hetimin dhe ndriçimin e plotë të rastit, si dhe sjelljen para organeve të drejtësisë së personave të dyshuar”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!