Një grua është gjetur pa shenja jete në oborrin e shtëpisë së saj, në rrugën “Fitim Domi”, në Gjakovë.
Lajmin për Insajderin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
“Rreth orës 13:30 është raportuar se viktima femër e moshës madhore është gjetur pa shenja jete, në oborrin e shtëpisë së saj në rrugën “Fitim Domi” në Gjakovë (personeli mjekësor në vendin e ngjarjes ka konstatuar vdekjen)”, ka thënë Elezaj.
Tutje, ai ka bërë të ditur se në vendin e ngjarjes kanë dalë njësitet e nevojshme policore dhe se janë duke u ndërmarrë të gjitha veprimet e nevojshme hetimore.
“Në vendin e ngjarjes kanë dalë njësitet e nevojshme policore dhe aktualisht janë duke u ndërmarr të gjitha veprimet e nevojshme hetimore. Me vendim të prokurorit të shtetit është iniciuar rast “hetim i vdekjes”, ndërsa trupi i pa jetë i viktimës është dërguar në IML për obduksion”. /Insajderi.org/