Vera sjell numër të madh të bashkatdhetarëve që vijnë në Kosovë për t’i kaluar pushimet.

Andaj, kjo edhe rrit qarkullimin në pikat kufitare.

Nga të dhënat e fundit, Qendra për Menaxhim Kufitar e MPB-së tregon se mëngjesin e së dieles fluks më të madh në pikat kufitare ka në Merdarë.

Në këtë pikë sipas kësaj qendre pritjet shkojnë deri në 1 orë, derisa kolona e automjeteve shkon deri në 500 metra.

Te Dheu i Bardhë, pritjet janë deri në 20 minuta.

Ndërkaq, te pikat e tjera pritjet nuk shkojnë më shumë se pesë deri në 10 minuta.