Gjesti ka disa javë që i është bashkuar shtëpisë më të famshme në Shqipëri, Big Brother VIP.

Kjo erdhi një ditë pas daljes nga Big Brother në Kosovë, ku u eliminua pas një televotimi kokë me kokë me Drilon Ramën.

Derisa po fliste me veten, ai pretendon se ia kanë bërë të padrejtë në Big Brother VIP Kosova, por që iu hap një derë tjetër më e madhe.

“Edhe pse mi kanë bërë gjërat me hile, Zoti më ka hap derën tjetër. Me hile çdo send, po në rregull. Zoti është i madh”, u shpreh ai.

Tutje gjatë bisedës tha: “Edhe unë kështu si jam në këtë gjendje të rëndë, zhag do të shkoj. Le të del ku të del kjo punë. Po pasha Zotin. E dini ju shumë mirë. Sa ju kam dashur, ju ja futet, por më është hapur dera tjetër, edhe më e madhe”.

Ai po konsiderohet si një nga lojtarët më të fortë brenda Big Brother VIP Albania, duke krijuar situata të shumta.