Një ditë pas vendimit të GJKKO për të lënë në fuqi masën e arrestit me burg për kryetarin e Bashkisë së Tiranës, Erion Veliaj, ky i fundit ka reaguar sërish duke bërë një denoncim të fortë.

Sipas tij, në sallën e gjyqit ka zbuluar një “skandal të rëndë”, ku në dosjen e tij figuron i dënuar, gjë që e ka tronditur.

Veliaj tha se ky informacion ishte shkruar në mënyrë të gabuar në dosjen e hartuar nga prokurori i çështjes, Ols Dado.

Ai u shpreh se vetëm pasi ai vetë deklaroi në gjykatë se nuk ka asnjë dënim penal dhe ka dorëzuar formularin e dekriminalizimit, prokurori u detyrua të verifikonte me një telefonatë, duke e quajtur më pas këtë shënim si një “lapsus”.

“Ky ‘lapsus’, vetëm lapsus nuk është”, thekson Veliaj, duke shtuar se në dosjen e tij ka gabime të tjera serioze që do t’i publikojë një e nga një. Ai shprehu edhe dyshimet e tij mbi “dëshirën e nxituar të prokurorit Ols Dado për ta shpallur fajtor ende pa nisur procesi i gjykimit”.

Në reagimin e tij, Veliaj kritikoi ashpër organet e drejtësisë, duke thënë se një “gabim” i tillë tregon qartë mënyrën se si është ndërtuar hetimi kundër tij dhe familjes së tij.

“Si mund të luhet me jetë njerëzish duke e kaluar me fjalët ‘ishte lapsus’?” – pyeti ai.

Gjykata e Posaçme ka lënë Veliajn në burg për akuzat e korrupsionit lidhur me çështjen e inceneratorit të Tiranës, ndërsa kryebashkiaku mohon akuzat dhe e cilëson procesin të motivuar politikisht.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!