Policia e Kosovës ka gjobitur shoferin 40 vjeçar në magjistralen Ferizaj-Prishtinë pasi po drejtonte automjetin me drita rrotative, shkruan Insajderi.

Fillimisht, policia nuk kishte arritur ta ndaloje por pas verifikimit të pamjeve nga kamerat e sigurisë, policia ka arritur ta identifikojë drejtuesin e automjetit, N.RR. (M/K), 40 vjeç.

“Më datë 27.01.2025, rreth orës 18:00, policët e Njësisë së Komunikacionit Rrugor në Ferizaj kanë tentuar të ndalojnë një automjet tip Audi Xhip me targa vendore, i cili po lëvizte në rrugët e fshatit Talinovc i Muhaxherëve në drejtim të rrugës magjistrale Ferizaj – Prishtinë”, thuhet në njoftimin e policisë.

Pas intervistimit, ndaj tij është shqiptuar një gjobë kundërvajtëse prej 500 eurosh si dhe masa mbrojtëse heqje e patentë-shoferit për 3 muaj.

“Policia Rajonale e Ferizajt fton qytetarët të bashkëpunojnë dhe të raportojnë çdo shkelje në komunikacion, duke njoftuar stacionin më të afërt policor ose përmes aplikacionit digjital “Lajmëro Policinë”, si dhe në numrat kujdestarë: 📞 192, 0290/326-250, 0290/322-406. Të dhënat e raportuesve do të ruhen në konfidencialitet të plotë”, thuhet në njoftimin e PK’së.