Ambasadori serb në Uashington Marko Gjuriq ka deklaruar se “kjo vjeshtë do të sjellë ndryshime të shumta” në Departamentin Amerikan të Shtetit dhe se do të vjen një numër i madh njerëzish të “cilët i njohin ai personalisht dhe presidenti i Serbisë, Aleksandar Vuçiq”, transmeton N1.

Gjuriq ka shprehur shpresën e tij se deri në fund të pranverës së vitit të ardhshëm, do të ketë “tre ose katër herë më të shumë lobistë serbë se më parë”, e çka është, sipas tij, “shumë me rëndësi për ndikimin e Serbisë në Departamentin e Shteti”.

Ai ka paralajmëruar gjithashtu hapjen e një misioni tregtar serb në bregun perëndimor të Amerikës, si dhe një ndërtesë të re të ambasadës serbe në Uashington.

“Pas shpërbërjes së ish -Jugosllavisë, ne mbetëm pa hapësirë ​​në Uashington, aktualisht ambasada është në disa ambiente jo shumë të mëdha me qira në periferi. Brenda pak muajsh Serbia do të marrë një shtëpi për krenari në Uashington”, ka thënë Gjuriq./Insajderi.org.