Gjykata e Tiranës la në burg Asqeri Mandrin, që u arrestua pak ditë më parë për akuzën e dhunës në familje.

Ai deklaroi në seancë se kamerat e sigurisë në banesë i vendosi për të parë gruan dhe fëmijët, pasi ndodhej jashtë shtetit.

Sipas tij, ka pasur debate në çift, por jo dhunë.

“Kemi pasur debate, por jo dhunë. Sherri nisi pasi gruaja më kërkonte të punoja natën si roje”, deklaroi ai në gjykatë, sikurse raporton gazetarja Anila Hoxha.

34-vjeçari mbante ‘të burgosur’ bashkëshorten, në vilën e tyre në Kodër Kamëz. Ai jetonte në Gjermani, por pasi ishte kthyer, e kishte dhunuar fizikisht gruan, në praninë e katër fëmijëve. Kamerat që kishte instaluar në banesë për ta monitoruar 24 orë në 24, kanë fiksuar edhe skenat e dhunës.

Edhe më të rëndë e bëjnë ngjarjen rrëfimet e të afërmve. Në një intervistë për Top Channel, nëna e Mandrit pranon se ka pasur dijeni për kamerat, por i justifikon me faktin se “djali ishte xheloz”, ndërsa pretendon se vajza e tradhtonte.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur