Gjykata Themelore në Prishtinë i ka caktuar një muaj paraburgim për ndaj Sinisha Spasiq,i dyshuar për krime lufte kundër popullatës civile në Vushtrri.

Gjykata tha se gjyqtari i procedurës paraprake, gjatë seancës dëgjimore të mbajtur më 19 gusht, vlerësoi se “janë kushtet ligjore për caktimin e masës së paraburgimit për të pandehurin S.S.”, pasi shtoi se ekziston dyshimi i bazuar se i njëjti në bashkëkryerje ka kryer këtë vepër penale.

Sipas Themelores, nëse S.S. gjendet në liri, ai mund të arratiset pasi që është shtetas i Serbisë, andaj argumentoi se ka gjasa reale që ai më pas të jetë i paarritshëm nga gjyqësori kosovar.

“Ekziston dyshimi i bazuar se me datë 06.04.1999, gjatë periudhës së luftës në Kosovë, i pandehuri S.S. me pjesëtarë të tjerë të uniformuar, me uniforma të policisë dhe ushtrisë së Serbisë në fshatin Reznik të Vushtrrisë gjatë një aksioni mirë të organizuar kishin plaçkitur e djegur shtëpi dhe kishin vrarë civil të paarmatosur dhe atë I.U., M.U. me bashkëshortet, po ashtu B.U., F.U., S.U. dhe F.U., gjatë ditës kritike ishin vrarë edhe T.U. me bashkëshorten H.U.”, tha Gjykata Themelore.

“Ndërsa, pas plaçkitjes së parave, e kishin marr me dhunë viktimën B. e kishin dërguar në katin e dytë të shtëpisë, ku fillimisht e kishin rrahur, maltretuar dhe dhunuar seksualisht njëri pas tjetrit, me ç’rast i kishin shkaktuar të njëjtës lëndime të rënda trupore”, shtoi ajo.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!