Trajneri i Monzës, Alessandro Nesta u shpreh i zemëruar ndaj gjyqtarëve pasi ekipit të tij iu anulua një gol në humbjen 1-0 ndaj Milanit.

Skuadra e tij dominoi pjesën e parë në stadiumin U-Power, teksa humbi mundësi mundësi shënimi dhe e gjeti rrjetën që herët me një gjysmë-volej nga Dany Mota Carvalho.

Megjithatë, gjyqtari e anuloi golin për një shtyrje të mëparshme të Warren Bondo ndaj Theo Hernandez , vendim ky që ngjalli reagimin e trajnerit të Monzës.

Annullare il gol del Monza per questo è una decisione impresentabile e indifendibile, per usare eufemismi.

L’arbitro Feliciani è lo stesso che in Genoa-Inter non vide nulla senza Var,
È proprio la sua qualità decisionale in campo il problema#MonzaMilan pic.twitter.com/993a2Tl1aB

— Tancredi Palmeri (@tancredipalmeri) November 2, 2024

“Ne ndihemi të zemëruar, por edhe krenarë për këta djem. Ne patëm dy paraqitje të shkëlqyera kundër Atalantës dhe Milanit, mund të kishim shënuar katër gola në pjesën e parë, shënuam një dhe u anulua”.

“Ata po e shkatërrojnë futbollin sipas mendimit tim, ne duhet të kthehemi në stilin e vjetër të gjykimit. Çfarë lloj faulli është ai? Gjyqtarët i kanë kërkuar falje Monzës pas asaj që ndodhi kundër Atalantas”, deklaroi Nesta.

“Futbolli dikur ishte më i thjeshtë, dikur ishte një sport kontakti, tani çdo prekje e vogël penalizohet, një thua i këmbës është jashtë loje, duhet të shkosh në duel me duart të shtrënguara pas shpine ose mund të jetë penallti”.