Në finalen dramatike të Kupës së Mbretit mes Barcelonës dhe Real Madridit, gjyqtari De Burgos Bengoetxea ndëshkoi tre lojtarë të Real Madridit në minutat e fundit të ndeshjes, dy gjatë lojës dhe një pas përfundimit të saj.
Lojtari i tretë i përjashtuar ishte Jude Bellingham, ndërsa Antonio Rüdiger mund të përballet me një sanksion të rëndë për sjelljen e tij agresive, shkruan Insajderi.
Në minutën e 120-të, Rudiger u ndëshkua me karton të kuq “për goditjen e një objekti nga zona teknike”, pas një faulli të diskutueshëm ndaj Eric García.
Rudiger, i dëshpëruar për humbjen e mundësisë për barazim, tentoi të godiste gjyqtari me një qese akulli, por kjo u parandalua nga ndërhyrja e stafit dhe bashkëlojtarëve si Mendy dhe Vallejo.
Po ashtu, Lucas Vázquez mori karton të kuq për “protesta ndaj një vendimi” dhe për hyrjen në fushë në një akt mosmarrëveshjeje.
Ky incident ndodhi menjëherë pas golit të Jules Koundé në minutën e 116-të, që i dha Barcelonës Kupën e Mbretit.
Pasi mbaroi ndeshja, gjyqtari dha edhe një karton të kuq të tretë për Jude Bellingham, duke e ndëshkuar për “qëndrim agresiv” ndaj tij, i cili u frenua nga shokët e tij.
Ky përjashtim mund të sjellë sanksione të mëtejshme ndaj lojtarëve të ndëshkuar, ndërsa tensionet e finales kanë lënë një shije të hidhur në kampin madrilen.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
