Autoritetet Evropiane pritet të vendosin një gjobë rekord ndaj gjigandit të motorit të kërkimit Google ditën e Marte raportoi agjencia e lajmeve Reuters.
Rasti i Komisionit Evropian mori jetë pas ankesave të disa kompanive Amerikane por edhe Evropiane lidhur me favorizimin e shërbimeve të blerjeve online në rezultatet e kërkimit në kurriz të rivalëve.
Akuza u dërgua në mënyrë formale ndaj Google në Prill të 2015-ës. Nga ana tjetër Google ka hedhur poshtë pretendimet e Komisionit duke thënë se shërbimi i saj nxit inovacionin.
Sipas kompanisë autoritetet Evropiane kanë injoruar konkurrencën nga Amazon dhe eBay. Gjoba më e madhe dhënë nga Komisioni Evropian daton në 2009 ndaj Intel me 1.06 miliard Euro.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
